Upat ka tawo ang nadakpan sayo sa buntag niadtong Mayo 2, 2026 human sa operasyon sa South Road Properties Management Office (SRP-MO) sa F. Vestil Road, Cebu City.
Ang mga nadakpan giila nga sila si Kimberly (21), Arnel (24), Ramil (45), ug Walter (42).
Sumala sa inisyal nga report, ang duha kanila giingong nalambigit sa pagpangawat og mga battery units, samtang ang laing duha giingong responsable sa pagsunog sa mga kable sa kuryente sa SRP area.
Nakamugna kini ug kabalaka sa mga negosyo ug stakeholders tungod sa posibleng peligro ug kadaut sa mga pasilidad sa lugar.
Atol sa pagdakop, nakit-an usab sa mga otoridad nga ang mga suspetsado adunay gidala nga giingong ilegal nga drogas.
Gihimo ang operasyon sa SRP security ug patrol team alas 2:00 sa kadlawon. Nakatabang usab sa hapsay nga pagdumala sa insidente ang presensya sa SRP-MO Executive Director sa maong lugar.
Ang upat ka suspek giturn-over na sa Police Station 11 alang sa dugang nga imbestigasyon ug pagpasaka og kaso.
Base sa unang imbestigasyon, posibleng naay nauna nang kalambigitan ang mga suspek sa parehas nga insidente, nga karon giverify pa sa kapulisan.
Nagpadayon ang Cebu City Government sa pagpalig-on sa seguridad sa SRP area aron maprotektahan ang publiko, mga negosyo, ug ang komunidad.
I via Renante Socia Lada