Misalmot sa gipahigayon nga Opening Parade alang sa selebrasyon sa Ika-101 nga kasumaran sa Sinuyak ang mga personahe sa Sinuyak Fire Sub-Station niadtong Agosto 21,2026.
Ang kalihokan gipangunahan sa mga opisyal sa barangay, uban sa nagkalain-laing ahensya sa gobyerno ug lokal nga mga organisasyon diin ang maong parada gipahigayon subay sa nag-unang dalan sa Sinuyak, Katipunan, Zamboanga del Norte nga nakadani og daghang tawo gikan sa nagkalain-laing sektor sa komunidad.
Samtang ang BFP Sinuyak Fire Sub-Station—ubos sa pagpanguna ni Acting Sub-Station Commander SFO1 Lloyd C. Pongan ug sa pagdumala ni FINSP Richard A. Parame, Acting Municipal Fire Marshal sa Katipunan MFS ang aktibong nanguna sa mga personahe aron ipakita ang ilang padayon nga suporta sa mga kalihokan ug programa sa barangay nga gidesinyo aron mapalambo ang maayong relasyon tali sa gobyerno ug sa komunidad.
Usa ka kalihokan nga nagtumong sa pagpalig-on sa diwa sa panaghiusa ug pagtinabangay ngadto sa mga residente samtang gisaulog kining usa ka makasaysayanong okasyon alang sa ilang barangay.
Gipakita ngadto sa mga partisipante ang suporta ug garbo sa ilang kultura ug mga tradisyon pinaagi sa mabulukon ug masadyaon nga parada.(MEDALYN U. BORJA)
Source: BFP R9 Sinuyak Fire Sub-Station