Mi-kortesiya ngadto kang Dipolog City Mayor Roberto Y. Uy, ang Company Commander sa 901st Maneuver Company, RMFB 9, nga si PCPT LARAH JULIA B CAGAS uban sa 905th Maneuver Company, RMFB 9, didto sa Office of the City Mayor sa City Hall, Dipolog City, Zamboanga del Norte.
Ang maong pagbisita naghatag ug oportunidad ngadto sa mga personahe sa RMFB 9 sa pagpali-on sa maayong relasyon niini tali sa Lokal nga Gobyerno sa Dipolog, ilabi na sa kalamboan sa kalinaw ug kahusay, kaluwasan sa publiko, ug seguridad sa komunidad.
Usa usab ka pamaagi sa pagpasiugda sa kamahinungdanon nga panaghiusa, koordinasyon, ug hiniusang responsibilidad tali sa mga tigpatuman sa balaod ug sa mga hingtungdan sa lokal nga gobyerno sa pagsulbad sa mga isyu sa sama sa seguridad ug kalamboan sa usa ka malinawon ug lig-on nga komunidad.
Tungod sa padayon nga kolaborasyon ug bukas nga komunikasyon,pabilin ang 901st MC ug 905th MC sa RMFB 9 sa ilang pasalig sa pagsuporta sa mga inisyatibo sa lokal nga gobyerno ug sa paghatag og serbisyo sa kapulisan nga paspas, matinud-anon, ug naka sentro sa panginahanglan sa komunidad.(MEDALYN U. BORJA)
Source: 901st Maneuver Company Company,RMFB 9