Gipadayag ni Governor Darel Dexter T. Uy ang iyang suporta sa mga reservist, uniformed personnel, ug partner agencies nga misalmot sa Western Mindanao Reserve Force Joint Training Exercise (RFJITEX) 2026 sa Dipolog City Sports Complex.
Kaniadtong Agosto 21, mitambong si Gov. Uy sa maong joint training exercise diin iyang gipadayag ang pagpasalamat sa mga nagtinabangay aron malampuson ang kalihokan.
Gipasalamatan sa gobernador sila Col. Venjie P. Pendon PN(M) (GSC), LTC Franklyn D. Dacquel (INF) PA, MGen Gerold N. Gagan PAF, ug ang tanang reservist, uniformed personnel, ug partner agencies nga miapil sa RFJITEX 2026.
Gipasiugda ni Gov. Uy ang kamahinungdanon sa maong mga kalihokan sa pagpalig-on sa preparedness, koordinasyon, ug hiniusang kapasidad sa pagresponde ug pagpanalipod sa mga komunidad.
Isip gobernador sa Zamboanga del Norte, mipasalig si Uy nga magpadayon ang iyang suporta sa mga inisyatiba nga nagpalig-on sa kooperasyon ug kahandaan sa probinsya sa pag-atubang sa mga panginahanglan sa katawhan.
Gidayeg usab sa gobernador ang tanang partisipante sa malampusong pagkahuman sa RFJITEX 2026 ug giawhag ang padayon nga panaghiusa sa pagserbisyo sa katawhan ug nasud.(IKEN B. GULLEM)
Source: Gov. Darel Uy