Nagpadayon sa pagpalig-on sa panaghiusa ug pagrespeto sa nagkalain-laing relihiyon ang Officers’ Ladies Club Foundation Inc. (OLCFI) ZNPPO PRO9 Chapter pinaagi sa pag-donar og prayer mats ngadto sa mosque sa Zamboanga del Norte Provincial Police Office.
Gipangunahan ni OLC President Mrs. Ejellie Gania ang kakihokan nga adunay tumong nga masuportahan ang espiritwal nga panginahanglan sa Muslim nga mga personahe sa Philippine National Police (PNP).
Nahimong posible ang maong inisyatibo ubos sa giya, ug bug-os nga suporta sa OLCFI PRO9 Adviser nga si Atty. Maricel G. Quilates, asawa sa Regional Director sa PRO9 nga si PBGEN Edwin A. Quilates.
Kini nga paningkamot nagpakita sa lig-on nga panaghiusa sa organisasyon sa pagpalambo sa inklusibong palibot sulod sa han-ay sa kapulisan.(IKEN B. GULLEM)
Source: Zamboanga del Police Provincial Office