Malampusong gipahigayon niadtong milabay nga adlaw ang kalihokan nga “Flames of Unity – Bond of Family” nga gipangunahan sa Sindangan Central Fire Station uban sa Siari Fire Sub-Station ubos sa liderato ni FSINSP Francis Carl T. Paulite, MPA, Municipal Fire Marshal.
Kini nga inisyatibo nagtumong sa pagpalig-on sa panaghiusa, panaghigalaay, ug relasyon sa pamilya sa mga personahe sa Bureau of Fire Protection.
Gitambongan ang kalihokan sa tanang uniformed ug non-uniformed personnel kauban ang ilang mga pamilya, diin gipasiugda ang kahinungdanon sa suporta sa pamilya sa usa ka propesyon nga puno sa risgo ug sakripisyo sama sa firefighting.
Pinaagi sa nagkalain-laing socialization activities, napalig-on ang panag-uban ug nasentro ang kahimtang sa kainit sa relasyon tali sa mga miyembro sa organisasyon ug ilang mga mahal sa kinabuhi.
Gipasiugda usab niini ang importansya sa teamwork, solidarity, ug mutual support nga maoy pundasyon sa epektibo ug responsive nga serbisyo publiko. Ang “Flames of Unity – Bond of Family” nagpakita sa padayon nga paningkamot sa estasyon sa pag-atiman dili lamang sa propesyonal nga kahusayan kundili usab sa kaayohan sa ilang mga personnel ug pamilya.(IKEN B. GULLEM)
Source: Bfp Sindangan Mfs