Gitan-aw ni Cong. Ian Amatong ang progreso sa P400-milyong Lamao Port Development Project sa Brgy. Lamao, Liloy, atol sa iyang gihimong ocular inspection uban ni Roberto “Junjun” Uy Jr..
Kauban usab sa inspeksyon sila si Jeneson Gañolon ug Sandy June Cagbabanua. Samtang, gipasiugda ni Cong. Amatong nga ang proyekto dili lang simpleng pantalan kondili usa ka lakang aron mapalapad ang koneksyon sa probinsya ngadto sa ubang lugar ug mapukaw ang lokal nga ekonomiya pinaagi sa dugang negosyo, biyahe, ug oportunidad sa trabaho.
Gibutyag usab niya ang tinguha nga mahimo kining international port sa umaabot aron makaabiabi og mga passenger vessel ug mas mapalig-on ang papel sa Zamboanga del Norte isip sentro sa transportasyon ug komersyo sa rehiyon.(IKEN B. GULLEM)
Source: Team Adrian Amatong