Libreng transportasyon ang gipakita nga suporta sa Zamboanga del Norte 2nd Provincial Mobile Force Company ngadto sa mga miyembro sa Cympil Situbo ALSA MASA Farmers Association nga miapil sa Electrical Installation and Maintenance NC II National Assessment sa Provincial Training Center sa Sindangan niadtong milabay nga adlaw.
Ubos sa pagpanguna ni PLTCOL Edwin D. Verzon, gisiguro sa yunit nga makaadto nga luwas ug hapsay ang mga partisipante nga gikan pa sa Tampilisan aron makatambong sa ilang assessment.
Sumala sa kapolisan, kabahin ang maong “Libreng Sakay” program sa padayong suporta sa PNP sa edukasyon, skills training, ug mga inisyatibong makatabang sa komunidad ug panginabuhian sa katawhan.(IKEN B. GULLEM)
Source: PNP Zamboanga del Norte 2nd PMFC