Usa ka notadong Street Level Individual (SLI) ang malampusong nasikop sa gikasa nga Buy bust Operation sa mga personahe sa kapulisan, mga alas 7:22 ang takna sa kagabhion, Pebrero 12,2025 didto sa Purok 6, Brgy Sta. Isabel Dipolog City Zambonga del Norte.
Ang dinakpan naila nga usa ka lalaki 24 anyos, ulitawo ug lumulupyo sa South Curvada , Brgy Galas, Dipolog City, Zamboanga Del Norte.
Ang pagkasikop gihimo pinaagi sa pagpangulo ni PLTCOL EDWIN DUNECEHO VERZON-Chief of Police sa Dipolog CPS (SDET) kauban ang 901st RMFB, 1st ZN PMFC ug RDEU 9 uban sa koordinasyon sa ZN PDEA 9.
Nasakmit gikan sa posesyon ug kontrol sa suspek atol sa operasyon mao ang Usa ka small sized heat-sealed transparent plastic sachet nga adunay sulod nga white crystalline granules nga gituohang “shabu” Isip ebidensya sa buy bust,Duha ka small sized heat-sealed transparent plastic sachet nga adunay sulod nga white crystalline granules nga gituohang “shabu” , Usa ka big sized heat-sealed transparent plastic sachet nga adunay sulod nga white crystalline granules nga gituohang “shabu”,Usa ka piraso sa 1,000-peso bill nga buy bust money, Usa ka Disposable Lighter nga kolor itom,Usa ka Pouch color blue ang nagsilbing sudlanan, ug kwarta nga nagkantidad ug P150 ka pesos.
Ang nakuhang ebidensya sa droga gibana-bana nga mutimbang ug 4 gramos nga adunay standard drug price nga mobalor sa P27,200.
Ang dinakpan anaa sa kustodiya sa Dipolog Police Station, samtang ang mga ebidensiya itugyan ngadto sa Zamboanga Del Norte Provincial Forensic Unit alang sa tukmang disposasyon.(Medalyn U. Borja)
Source: Dipolog CPS