Sa nahitabo nga aksidente mihatag ug katin-awan si PLTCOL. Edwin D Verson hepe sa Dipolog City Police Station nga dakung saypan ang Motorcab Driver sa nahitabong aksidente sa dalan National Highway, Barangay Cogon, dinhi sa dakbayan sa Dipolog alas 7:00 sa buntag Pebrero 12, 2025. Diin Dead on Arrival gilayon ang driver nga si Ronnie Acoymo Mirafuentes,32 anyos residente ra usab sa Purok Sicot, Barangay Dansullan, lungsod sa Polanco, Zamboanga Del Norte, uban ang duha ka menor de edad,ug adunay usa ka menor de edad nga kasamtangan pang giatiman sa mga doctors sa kritikal nga kahimtang niini.
Sa gipahigayon nga imbestigasyon tataw kaayo sa PNP Dipolog nga ang motorcab nga gagumikan pa kini sa Dansullan, Polanco, subay sa Cogon Elementary School, ug sa paghidangat nila sa maong lugar, kalit kining mi-overtake sa usa ka Single Motor hinungdan nga mibangga kini lahos sa gapaingon nga katagbo nga Isuzu Forward Truck lulan sa daghan karga nga mga motorsiklo nga ideliver pa sa usa ka kompanya.
Ang mga naangol nga upat daling gidala gilayon sa pinakaduol nga tambalanan pero ang tulo gideklarar na kining Dead on Arrival, ug ang lain nga menor de edad ang anaa sa kritikal nga kahimtang.
Matud pa ni PLTCOL Verson, ang driver sa truck nga si Rolly John Balalilhe 37 anyos, residente sa probinsya sa Negros Occidental, ang miboluntaryong misurender sa iyang kaugalingon una ngadto sa Barangay Hall ug giubanan sa mga kawani sa barangay ngadto sa Dipolog PNP.(Angelica T. Obina)
Source: PRESS RELEASE