Mas gipakusgan sa Police Regional Office 7 (PRO7) ang ilang kampanya batok kriminalidad sa Central Visayas samtang nagkadool ang 2025 National ug Local Elections.
Sulod sa 72 ka oras, nakadakop ang kapulisan og 639 ka indibidwal ug nakakumpiska og kapin sa 3 kilos nga shabu nga nagkantidad og PhP 22.9 milyon.
Sumala ni PRO7 Regional Director, Police Brigadier General Redrico Maranan, ang ilang operasyon naglakip sa: pagsikop sa mga pusil nga walay lisensya, pagdakop sa mga wanted nga indibidwal, pagsumpo sa ilegal nga sugal ug pagpakgang sa drug-related crimes.
206 ka indibidwal ang nadakpan nga nalambigit sa ilegal nga droga, ug nakumpiska ang 3,379.28 gramos nga shabu (nagkantidad og PHP 22,979,104.00) ug 5 gramos nga marijuana.
Samtang, 22 ka Most Wanted ug 184 ka laing wanted persons ang nadakpan. 209 ka indibidwal ang nadakpan, PhP 17,312.00 ang nakumpiska. 128 ka kaso ang nasang-at batok sa nagkalain-laing kriminal nga lihok. 88 ka armas ang nakumpiska o gisurender, ug 18 ka indibidwal ang nadakpan.
Nagpasalamat si PBGen Maranan sa tanang ahensya sa gobyerno, mga partner sa komunidad, ug katawhan sa ilang suporta sa padayong kampanya batok kriminalidad sa Central Visayas.
“These concurrent police actions are part of a transformative initiative within the police organization, aligning with the CPNP’s mantra, ‘Sa Bagong Pilipinas Ang Gusto Ng Pulis Ligtas Ka.’ PRO7 remains committed to the PNP’s mission of maintaining peace and order, striving to foster a safer Region 7 as the midterm elections draw nearer,” segon ni PBGen.
Source: PRO7-PIO
I via Renante Socia Lada
#rpndykccebu
#675hzamband
#mrpublicservice