Dakpan ang usa ka notadong Street Level Individual (SLI) atol sa gikasa nga buy-bust operation sa mga tinugyanan sa balaod mga alas 12:40 ang takna sa ka udtuhon niadtong Nobiyembre 30, 2025, didto sa Barangay Poblacion, Sibuco, Zamboanga del Norte.
Ang maong dinakpan nga suspek naila nga 55-anyos nga lalaki, minyo, walay trabaho, ug residente sa nahisgutang barangay kinsa gisikop pinaagi Sibuco Municipal Police Station – MDET isip lead unit, uban sa koordinasyon sa 3rd Platoon, 901st Maneuver Company, RMFB 9.
Nakuha gikan sa suspek atol sa operasyon mao ang usa ka gamay nga heat-sealed transparent plastic sachet nga adunay sulod sa gituohang “shabu” isip buy-bust item, lima ka gagmay nga heat-sealed plastic sachet nga adunay susamang substance isip possession, usa P500.00 nga gigamit isip buy-bust money, Usa ka pula nga disposable lighter, ug usa ka puti nga papel nga gigamit isip sudlanan.
Ang mga nasakmit nga ilegal nga drugas adunay kinatibuk-ang gibanabana nga gibug-aton nga 0.50 gramos nga adunay gibanabana nga street value nga Php 3,400.00.
Ang mga nakumpiska nga drug items gidala ngadto sa Regional Forensic Unit 9 sa Zamboanga City alang sa laboratory examination, samtang ang nasikop nga suspek gipahibalo sa iyang katungod sa konstitusyon ug gipailawom sa medical ug physical examination, homan gikustodiya sa Sibuco Municipal Police Station alang sa tukmang disposisyon ug pagpasaka sa tukmang kaso. (MEDALYN U. BORJA)
Source: ZNPPO