Nasikop ang usa ka Newly identified Street LeveI Individual atol sa gikasa nga buy-bust operation nga gihimo sa mga personahe sa kapulisan mga ala 1:40 ang takna sa kaadlawon niadtong Disyembre 1, 2025, didto sa Barangay S. Arabi, Siocon, Zamboanga del Norte.
Ang maong dinakpan nga drug suspek naila nga 24-anyos nga lalaki, ulitawo, ug residente sa susamang Barangay kinsa gidakop pinaagi sa mga personahe sa MDET sa Siocon Municipal Police Station isip lead unit, uban sa koordinasyon sa 3rd Platoon, 901st RMFB 9, 2nd Zambonga del Norte Mobile Force Company, Provincial Mobile Force Company , ZNP Drug Enforcement Unit.
Nakuha gikan sa suspek atol sa operasyon mao ang usa ka heat-sealed transparent plastic sachet nga adunay sulod nga gituohang shabu isip buy-bust item, siyam ka heat-sealed transparent plastic sachet nga adunay sulod nga susamang substance isip possession items, usa Five Hundred Peso bill (Php 500.00) nga gigamit isip buy-bust money ug usa ka pula nga packs sa Bravo Cigarettes isip container.
Ang kinatibuk-ang gibana-bana nga gibug-aton sa mga nakumpiska nga ilegal nga drugas mokabat sa tulo ka gramo nga adunay gibana-bana nga street value nga Php 20,400.00.
Ang dinakpan nga suspek gipahibawo sa iyang katungod sa konstitusyon, ug ang mga nakumpiska nga drug items gi-turnover sa Zamboanga del Norte Forensic Unit, Liloy Satellite Office alang sa laboratory examination, samtang ang suspek gidala sa Siocon Municipal Police Station alang sa tukmang disposasyon ug pagpasaka og tukmang kaso sa paglapas sa Republic Act 9165.(MEDALYN U. BORJA)
Source: ZNPPO