Dakpan ang usa ka 53 anyos nga construction worker nga nag atubang sa kasong Attempted Homicide atol sa gihimo nga hiniusang operasyon sa mga personahe sa kapulisan didto sa Purok Madasigon, Brgy. Dohinob, Roxas, Zamboanga del Norte, niadtong Pebrero 4, 2026, mga alas 10:45 ang takna sa buntag.
Ang maong dinakpan naila nga si alayas “Tanley” 53 anyos,lalaki, adunay kapuyo, construction worker, nalista isip Other wanted person ug residente sa susamang lugar.
Ang operasyon gihimo pinaagi sa mga personahe sa Roxas Municipal Police Station (Lead Unit) uban sa koordinasyon sa 97th Infantry Battalion, Philippine Army, 1st Zamboanga del Norte Provincial Mobile Force Company, Zamboanga del Norte Maritime Police Station, ug 901st Maneuver Company, Regional Mobile Force Battalion 9.
Ang pag-aresto gihimo pinasikad sa Warrant of Arrest alang sa Attempted Homicide, nga gi-isyu sa Municipal Trial Court, Ninth Judicial Region, Roxas, Zamboanga del Norte, nga gipetsahan Enero 29, 2026, nga adunay girekomendar nga piyansa nga P36,000.00.
Ang dinakpan gipahibalo sa iyang mga katungod konstitusyon ug anaa na kini Karon sa kustodiya sa Roxas Municipal Police Station alang sa hustong disposisyon.(MEDALYN U. BORJA)
Source: ZNPPO