Nadakpan ang usa ka bag-ong naila nga Street Level Individual,atol sa gihimo nga buy-bust operation sa mga personahe sa kapulisan mga alas 12:34 sa udto niadtong Disyembre 3, 2025, Purok Riverside, Barangay Barra, dakbayan sa Dipolog.
Naila ang drug suspek nga usa ka 34-anyos nga lalaki nga mananagat ug residente sa susamang Barangay.
Ang pagkasikop gihimo kalabot sa Kusog nga Presinsya sa Pulisya na niresulta sa pagkasikop sa nasangpit nga suspek ug pagkasakmit sa gidudahang ilegal sa tabang sa opisyal nga report sa operasyon nga nadawat gikan sa Philippine Drug Enforcement Agency (PDEA) mga alas 2:00 sa hapon sa samang petsa.
Nasakmit gikan sa akusado atol sa operasyon, mao ang Usa ka heat-sealed transparent plastic sachet nga adunay MOL 0.2 gramos sa gituohang shabu isip buy-bust item, Usa ka heat-sealed transparent plastic sachet nga adunay 0.2 gramos sa gituohang shabu nga naa sa suspek, Usa ka tinuod nga P1,000.00 nga gigamit isip buy-bust money,Usa ka gamay nga Chinese ampao envelope nga gigamit nga adunay sulod nga gidudahang shabu; ug Usa ka yunit sa Itel keypad cellular phone, kolor blue.
Ang kinatibuk-ang gibana-bana nga gibug-aton sa narekober nga gituohang shabu mutimbang sa 0.4 gramos, nga adunay standard nga presyo nga mobalor sa Php 2,720.00.
Ang suspek gipahibalo sa hinungdan sa iyang pagdakop ug gipahibalo sa iyang konstitusyonal nga mga katungod sa usa ka diyalekto nga hingpit niyang nasabtan ug anaa na kini karon temporaryong naka kustodiya sa Dipolog City Police Station, samtang ang mga nakumpiska nga druga ug non-drug evidence anaa na sa kustodiya sa PDEA Zamboanga del Norte alang sa tukmang disposisyon ug pagpasaka og kaso.(MEDALYN U. BORJA)
Source: ZNPPO