Misangpot sa pagkasikop ang operasyon nga gipatoman sa kapulisan batok sa usa ka wanted person nga kwalipikado sa pagpangawat ug lubi didto sa Purok 1, Barangay Aseniero, Dapitan mga alas 2:10 ang takna sa kahaponon niadtong Disyembre 3, 2025.
Ang operasyon gihimo sa Warrant Server sa Dapitan City Police Station (CPS) uban sa koordinasyon sa mga operating support units nga mag resulta sa malampusong pagkasikop sa suspek nailhang si “Reme”70 anyos, babaye, balo, walay trabaho, ug residente sa samang Barangay Siya kinsa nadakpan pinaagi sa warrant of arrest alang sa Qualified Theft of Coconuts, nga gi-docket ubos sa Criminal Case No. 20972, nga giisyu sa Municipal Trial Court in Cities (MTCC), 9th Judicial Region, Dapitan City, pinetsahan og Nobyembre 27, 2025, nga adunay girekomendar nga piyansa nga Php 10,000.
Ang suspek gipahibalo sa hinungdan sa iyang pagdakop ug tukma nga gipahibalo sa iyang mga katungod sa konstitusyon sa usa ka diyalekto nga hingpit niyang nasabtan ug anaa na kini karon sa kustodiya sa Dapitan City Police Station alang sa tukmang dokumentasyon, medical examination, ug dugang legal nga disposisyon.(MEDALYN U. BORJA)
Source: ZNPPO