Gipahigayon sa Potungan National High School sa Dapitan City ang National Simultaneous Safety Drill for Active Attack Incidents uban sa Department of Education, Dapitan City Fire Station, Philippine National Police Dapitan, City Disaster Risk Reduction and Management Office, ug ubang partner agencies.
Pinaagi sa maong drill, gipraktis sa school personnel, mga estudyante, ug emergency responders ang hustong pagresponde sa posibleng active attack incident sulod sa eskwelahan. Gihatagan og gibug-aton ang paspas nga koordinasyon ug hustong paglihok atol sa emerhensiya.
Gipakita usab sa kalihokan ang kamahinungdanon sa panagtambayayong sa mga ahensya, eskwelahan, ug komunidad aron mapalig-on ang school safety ug emergency preparedness. Matag segundo importante kung adunay emerhensiya, busa gikinahanglan ang kahibalo ug kahandam sa tanang nalambigit.
Pinaagi sa padayong safety drills ug inter-agency cooperation, gipadayon sa mga partner agencies ang ilang paningkamot sa paghimo og mas luwas nga learning environment alang sa mga estudyante, magtutudlo, ug school personnel sa Dapitan City.(JENIFFER JR. DELICA)
Source: BFP R9 Dapitan City Fire Station