Gipaduol sa Dapitan City Fire Station ang aktuwal nga kalibotan sa firefighting ug emergency response ngadto sa mga estudyante sa Jose Rizal Memorial State University – College of Midwifery pinaagi sa Fire Square Roadshow.
Dili lang kutob sa lecture ang kalihokan, kay gipasinati mismo sa mga estudyante ang hustong paggamit sa firefighting equipment ug mga pamaagi sa pagresponde sa emerhensiya. Nakita ug nasinati nila kung giunsa sa mga bombero ang pagtrabaho isip usa ka team atol sa aktuwal nga operasyon.
Gihatagan usab ang mga estudyante og higayon nga masinati ang papel sa mga bombero isip kabahin sa ambulance crew, lakip ang pagtabang, pag-secure, ug pagdala sa biktima atol sa emerhensiya. Pinaagi niini, ilang nasabtan nga ang pagkamagbubuno dili lamang bahin sa pagpalong sa sunog, kundili apil usab ang rescue, response, ug pag-alagad sa katawhan.
Pinaagi sa maong hands-on nga kasinatian, gilauman nga mas mailhan sa mga estudyante ang tinuod nga buluhaton sa mga bombero ug mahimong inspirasyon kini alang sa mga gustong mosunod sa propesyon sa umaabot.(JENIFFER JR. DELICA)
Source: BFP R9 Dapitan City Fire Statio