Gidala sa Philippine Statistics Authority (PSA)–Zamboanga del Norte ang mga serbisyo sa National ID mas duol sa mga benepisyaryo atol sa payout sa UPLIFT Assistance Package sa Polanco ug Liloy niadtong milabay nga adlaw.
Nipahigayon og co-location activity ang National ID Services Team sa PSA uban sa Department of Social Welfare and Development (DSWD) sa Municipal Gymnasium sa duha ka lungsod, diin gihatagan og access ang mga benepisyaryo sa nagkadaiyang serbisyo may kalabotan sa National ID.
Lakip sa mga serbisyo nga gihatag ang National ID registration, pag-isyu sa National ID sa paper format, Transaction Reference Number (TRN) retrieval ug assistance sa pag-access sa Digital National ID.
Ang UPLIFT Assistance Package gitumong sa pagsuporta sa mga 2.5 milyon ka vulnerable households nga wala pa nasakop sa ubang social protection programs sama sa Pantawid Pamilyang Pilipino Program (4Ps) ug Walang Gutom Program (WGP).(IKEN B. GULLEM)
Source: PSA Zamboanga del Norte