Gipahibalo sa Philippine Military Academy (PMA) Recruitment Team ang mga detalye sa umaabot nga PMA Admission Examination nga ipahigayon sa Dipolog City karong Hulyo 25 ug 26, 2026.
Atol sa courtesy call sa recruitment team ngadto kang Vice Mayor Senen O. Angeles sa iyang opisina niadtong buntag sa Hulyo 22, gihisgutan ang mga importanteng butang kalabot sa pagpahigayon sa eksaminasyon sa Jose Rizal Memorial State University (JRMSU)–Dipolog Campus.
Gipangulohan ang PMA Recruitment Team ni Capt. Jonalo T. Bagasina (PA), uban sila PO1 Ramel R. Catabay (PN), Sgt. Nina Joy C. Valencia (PA) ug Civilian Human Resources Representative Ms. Angielyn G. Vinuya.
Mipahigayon usab sa courtesy visit sila Lt. Col. Jesse G. Bergonia, Commanding Officer sa 97th Infantry “Kalasaglahi” Battalion; Capt. Noel Magon, Civil-Military Operations (CMO) Officer; ug mga personnel sa 97th Infantry Battalion.(IKEN B. GULLEM)
Source: Dipolog City Government