Nagpakita ang Katipunan Municipal Police Station (MPS) og padayong suporta sa mga programa alang sa kaayohan sa komunidad pinaagi sa ilang pag-apil sa Nutrition Month Celebration sa Barangay Seres, Katipunan, Zamboanga del Norte.
Mitambong ang mga personahe sa Katipunan MPS, ubos sa supervision ni PMAJ Evelyn F. Porras, Acting Chief of Police, pinaagi kang PLT Chrissa Mae G. Patriana, Deputy Chief of Police, sa kalihokan nga gipahigayon uban sa Barangay Local Government Unit, health workers ug ubang stakeholders.
Gipasiugda atol sa selebrasyon ang importansya sa hustong nutrisyon ug himsog nga mga batasan sa pagkaon alang sa kaayohan sa komunidad.
Mitabang usab ang mga personahe sa pagmintinar sa kalinaw ug kahapsay ug pagsiguro sa kaluwasan sa mga partisipante atol sa kalihokan.
Pinaagi sa aktibong pakig-uban sa mga residente ug pagsuporta sa mga inisyatiba sa komunidad, gipadayon sa Katipunan MPS ang paningkamot sa pagpalig-on sa police-community relations ug paghatag og serbisyo nga makatampo sa kaayohan sa mga residente.(IKEN B. GULLEM)
Source: Katipunan Municipal Police Station ZNPPO