Gipasiugdahan sa Municipality of Liloy ang selebrasyon sa National Disaster Resilience Month pinaagi sa kick-off ceremony nga gipahigayon sa Liloy Municipal Gymnasium aron mapalig-on ang kahandam sa komunidad batok sa mga kalamidad.
Gipangulohan sa lokal nga panggamhanan ubos ni Mayor Roberto L. Uy Jr. ang maong kalihokan diin gipakita ang mga programa sa lungsod sa disaster risk reduction and management, lakip ang coastal clean-up, mangrove planting, mga pagbansay ug community drills.
Gitambongan usab ang kalihokan nila Office of Civil Defense Region IX Director Atty. Ruel Halanes, Gobernador Darrel Dexter Uy, mga representante sa DOST, Armed Forces of the Philippines, Local Disaster Risk Reduction and Management Officers gikan sa nagkalainlaing lugar, ug mga barangay captain.
Sumala sa lokal nga panggamhanan, ang selebrasyon nagtumong sa pagdasig sa matag sektor nga mahimong mas andam ug aktibo sa pagpanalipod sa kinabuhi ug kabtangan panahon sa mga kalamidad ug emerhensiya.(JENIFFER JR. DELICA)
Source: Municipality of Liloy