Gilunsad sa Salug Municipal Fire Station ang Student Scholar Initiative aron suportahan ang mga kabatan-onang takos nga makadawat og tabang sa ilang pag-eskwela niadtong Hulyo 2.
Pinaagi sa maong programa, makadawat ang scholar og binuwan nga tabang nga mahimong kwarta o mga gamit sa eskwelahan aron mamenosan ang gastohan sa edukasyon.
Sumala sa Salug Municipal Fire Station, ang inisyatiba kabahin sa ilang paningkamot sa pagpalambo sa edukasyon ug paghatag og dugang oportunidad sa mga estudyante nga naningkamot makatapos sa ilang pagtuon.
Gilauman sa BFP nga ang programa makadasig sa kabatan-onan sa pagpadayon sa ilang edukasyon ug magpalig-on sa espiritu sa pagtinabangay ug pag-alagad sa komunidad.(JENIFFER JR. DELICA)
Source: Salug Bfp