Nakig-uban ang lokal nga kagamhanan sa Dipolog sa pagsaulog sa ika-22 nga National Attention Deficit Hyperactivity Disorder (ADHD) Awareness Week ubos sa tema nga “The Silver Lining of ADHD: Reasons to Celebrate.”
Gipangulohan kini sa City Social Welfare and Development Office (CSWDO) uban sa Persons with Disability Affairs Office (PDAO) ug Center for Children with Special Needs (CCSN), nga gipahigayon sa CSWDO Covered Court, Barangay Sta. Isabel.
Mitambong sa kalihokan si Assistant CSWDO Officer Jovencia D. Gregory ug si City Councilor Hon. Praxides P. Rubia, nga misalipod kang Mayor Roberto Y. Uy.
Gipasiugda sa selebrasyon ang pagpasabot sa publiko kabahin sa ADHD nga dili angay kaulawan o kahadlokan ang sakit, apan angay tabangan ug masabtan, ilabina ipakita usab ang suporta aron sila makabati nga apil sila sa komunidad, ug pag-ila sa mga abilidad ug talento sa mga tawo nga adunay maong kondisyon.
Ang maong selebrasyon nagsugod gikan Oktubre 19 ug pagasaulogon hangtud Oktubre 25 ning kasamtangang tuig.(Iken B. Gullem)
Photo courtesy: Dipolog City Government