Pormal nga nanumpa sa katungdanan ang bag-ong napiling mga opisyal sa Tricycle Operators and Drivers’ Association of Dipolog City (TODADCI) atubangan ni Dipolog City Mayor Roberto Y. Uy, kaniadtong Oktubre 24, 2025, didto sa City Mayor’s Office.
Saksi sa maong seremonya si Hon. Irvin A. Banga, Punong Barangay sa Estaka, nga miuban sa mayor sa pagpangumusta ug pagpanghinaut sa kalampusan sa bag-ong grupo sa mga lider sa asosasyon.
Ang mga opisyal nga nanumpa gipangunahan sa presidente sa maong asosasyon nga si Joel E. Quizo, bise presidente Berjo E. Chua, sekretaryo Rolando P. Villamil, auditor nga si Jimmy M. Laranjo, si Ferdinand O. Dagpin isip treasurer, ug si Gani C. Hapon nga Chairman of the Board sa maong asosayon.
Samtang ang mga Board of Directors nga nanumpa sila, Henry M. Tomarong Jr., Ronaldo O. Baguinat, Welifredo D. Rectazo, Ricardo C. Ombiang Jr., Francisco D. Salomon, Crisolito I. Andicoy, Leo S. Realiza, Arvin R. Almirol, Bobby D. Tingson, ug Eliaz B. Olmoguez Jr.
Sa mensahe ni Mayor Uy, gipasiugda niya ang papel sa asosasyon sa pagmintinar sa kalinaw, disiplina, ug kaluwasan sa sektor sa pampublikong transportasyon sa dakbayan. Gipanghinaut usab niya nga magpadayon ang kooperasyon tali sa lokal nga kagamhanan ug sa mga tricycle drivers aron mas mapauswag ang serbisyo sa katawhan.(Iken B. Gullem)
Photo courtesy: Dipolog City Government