Dakong garbo ang nasudnong pag-ila nga naangkon sa Dapitan City ubos sa liderato ni Mayor Evelyn “Belen” T. Uy human naapil ang mayor sa fourth-ranked national cluster sa mga Top-Performing ug Most Trusted City Mayors sa Pilipinas alang sa unang quarter sa 2026.
Base sa “Boses ng Bayan” Index of Governance nga gihimo sa RPMD Foundation Inc., nakakuha si Mayor Belen og 84.22% nga overall Index of Governance rating, nga naglangkob sa 84.10% trust rating ug 84.35% performance rating.
Kini nga achievement nagpakita sa performance sa lokal nga panggamhanan ug sa pagsalig sa katawhan sa liderato ni Mayor Belen, nga nagpadayon sa pagpalig-on sa serbisyo ug mga programa alang sa mga Dapitanon.
Dili lamang kini personal nga kalampusan sa mayor, kundili usa usab ka kalampusan nga gipaambit sa mga kawani sa gobyerno, mga partner ug sa tibuok komunidad nga nagtinabangay alang sa padayong pag-uswag sa Dapitan.(IKEN B. GULLEM)
Source: Discover Dapitan