Balhog karon sa prisohan ang duha ka indibidwal nga nag atubang karon sa kasong adultery atol sa gikasa nga gikasang operasyon mga alas 9:50 sa gabie niadtong Hulyo 19, 2026, mga alas 9:50 sa gabii, didto sa Sitio Pasil, Barangay Polo, Dakbayan sa Dapitan.
Ang maong mga dinakpan naila nga usa ka 48 anyos nga lalaki ug 33 anyos nga babaye kinsa parehong gireklamo sa kapulisan tungod sa insidente sa pagpanapaw nga nahitabo sa usa ka
establisemento sa nasangpit nga lugar.
Nasayran nga ang mga personahe sa Dapitan City Police Station(CPS) nakadawat sa nasangpit nga reklamo mga alas 10:30 sa gabii, diin ang reklamante nitaho nga ang asawa niini giingong kauban sa laing lalaki sulod sa usa ka kwarto sa maong establisemento.
Tungod niini ang mga personahe sa Dapitan CPS dali nga miresponde aron mapamatud-an ang report ug miabot sa lokasyon mga alas 10:33 sa gabii.
Sa inisyal nga imbestigasyon nagbutyag nga ang nagreklamo giingong nakakita sa duha ka indibidwal nga nagsakay og motorsiklo ug gisundan sila ngadto sa establisemento sa lodging.
Pag-abot sa mga mirespondeng personahe, nailhan sa nagreklamo ang kwarto nga giingong gisudlan sa duha ka indibidwal.
Ang mga personahe sa kapulisan mipadayon sa nailhan nga kwarto, diin nakit-an ang duha ka indibidwal sa sulod, ug gidakop sila mga alas 10:36 sa gabii.
Ang mga dinakpan gipahibalo sa hinungdan sa ilang pagkadakop ug mga katungod konstitusyon sa usa ka pinulongan nga ilang nasabtan ug gidala dayon sa Jose Rizal Memorial Hospital alang sa medikal nga eksaminasyon ug karon anaa sa kustodiya sa Dapitan CPS samtang nagpaabot sa pagpasaka sa angay nga mga kaso sa korte.(MEDALYN U. BORJA)
Source: ZNPPO