Gipalig-on sa National Police Commission (NAPOLCOM), Local Government Unit (LGU) sa Katipunan, ug Philippine Natianotonal Police (PNP) ang ilang panaghiusa human sa usa ka courtesy visit sa Municipal Mayor’s Office aron hisgutan ang padayon nga kooperasyon sa pagpalambo sa police service, accountability, ug public safety sa lungsod.
Miatubang kang Mayor Jose Michael Meiko A. Wong si PMAJ Evelyn F. Porras, Acting Chief of Police, kauban ang NAPOLCOM Inspection Team nga gipangulohan ni Ms. Edna M. Pasion, Acting Chief sa Technical Services Division (TSD) ug Police Inspector IV.
Kauban usab sa delegasyon sila Police Inspector III Rocky B. Patangan, Police Inspector II Anthony B. De Peralta, ug Police Inspector Lorenz Amel G. Jumag-as.
Atol sa panagtagbo, gihisgutan ang padayon nga panag-uban sa LGU, NAPOLCOM, ug PNP aron mapalig-on ang epektibong paghatag og serbisyo sa kapulisan, responsibilidad sa han-ay sa kapulisan, ug pagmintinar sa kalinaw ug kahapsay sa komunidad.
Sumala sa PNP, ang maong kalihokan nagpamatuod sa lig-on nga inter-agency collaboration ug sa hiniusang paningkamot sa pagpalig-on sa peace and order sa lungsod.(IKEN B. GULLEM)
Source: Katipunan Municipal Police Station ZNPPO