Gipalawom pa sa National Police Commission (NAPOLCOM) ug City Government of Dipolog ang ilang koordinasyon alang sa mas lig-on nga peace and order initiatives sa dakbayan atol sa courtesy visit sa mga opisyales sa ahensya kang Mayor Roberto Y. Uy niadtong Mayo 21.
Mipakigkita sa mayor sila si Jovy Z. Bandola ug Jayvee M. Reynoso gikan sa NAPOLCOM Central Office, uban ni Andrew A. Montemayor sa NAPOLCOM Regional Office IX.
Gituohang kabahin sa maong pagbisita ang padayon nga pakigtambayayong sa lokal nga gobyerno ug NAPOLCOM aron mapalambo pa ang suporta sa public safety, law enforcement programs, ug mga lakang nga nagmintinar sa kalinaw ug kahapsay sa Dipolog City.(IKEN B. GULLEM)
Source: Dipolog City Government