Arestado ang usa ka 42 anyos nga mag-uuma sa kasong paglapas sa RA 9262 atol sa gikasa nga hiniusang operasyon sa mga personahe sa kapulisan mga ala 1:20 sa kaadlawon niadtong Mayo 20, 2026, didto sa Purok 5, Barangay Poblacion, La Libertad, Zamboanga del Norte.
Ang nadakpan giila nga si alyas “Jude”, 42 anyos, ulitawo, usa ka mag-uuma, nailhang nga wanted person ug residente sa Purok 1, Barangay New Carcar, La Libertad, Zamboanga del Norte.
Gidakop pinaagi sa mga personahe sa 901st Maneuver Company, RMFB9 isip lead unit, uban sa mga personahe gikan sa La Libertad Municipal Police Station, Mabuhay SBC 5th SOU-MG, 1st ZNPMFC, ug ZNPIU, ubos sa TIP CONDOR. Ang pag-aresto gihimo pinasikad sa Warrant of Arrest tungod sa Paglapas sa Seksyon 5(i) sa Republic Act 9262, nailhan usab nga Anti-Violence Against Women and Their Children Act of 2004, nga gi-isyu sa Family Court, 9th Judicial Region, Branch 4, Dapitan City, Zamboanga del Norte, nga gipetsahan Abril 27, 2026, nga adunay girekomendar nga piyansa nga gitakda sa Php 72,000.00 alang sa iyang temporaryong kagawasan.
Ang dinakpan nga wanted person anaa karon sa kustodiya sa La Libertad MPS alang sa hustong disposisyon.(MEDALYN U. BORJA)
Source: ZNPPO