Sikop sa mga kapolisan ang usa ka 33-anyos nga lalaki atol sa gipahigayong buy-bust operation didto sa Barangay Mateo Francisco, Siocon, Zamboanga del Norte niadtong nakalabay nga adlaw.
Nasakmit gikan sa suspetsado ang 3 ka heat-sealed sachets nga adunay sulod nga white crystalline substance nga gituohang shabu, nga adunay gibanabanang gibug-aton nga 1 gramo ug nagkantidad og Php 6,800.00. Apil sa nakuha ang tibuok 500.00 isip marked money lakip na ang drug paraphernalias.
Ang maong operasyon gipanguluhan sa mga kawani sa Zamboanga del Norte Provincial Drug Enforcement Unit (ZNPDEU),uban sa koordinasyon sa Siocon Municipal Police Station ug ang 905th RMFB9, nga hinungdan sa malampusong pagkasikop sa suspetsado.
Ang dinakpan ang anaa na sa kostodiya sa Siocon MPS ug mag atubang sa kasong paglapas sa RA9165 kun comprehensive dangerous drug act of 2002, ug ang mga ebidensya giturn over gilayon sa Zamboanga del Norte Forensic Unit Liloy Satellite Office alang sa tukmang eksaminasyon ug disposisyon.(Angelica T. Obina)
Source: ZNPPO