DAVAO CITY – Gikauban ni Vice President Sara Duterte si Senadora Imee Marcos sa iyang pagbisita sa mga overseas Filipino workers (OFWs) sa Qatar.
Miuban usab sa maong biyahe ang inahan ni VP Sara nga si Ms. Elizabeth Zimmerman.
Pagkahuman sa iyang lakang sa Qatar, gitakda nga molahos si VP Sara sa The Hague, Netherlands. Didto, makigpulong siya sa mga Pilipino nga nanarbaho ug nagpuyo sa nasud, ug planong bisitahon usab ang iyang amahan nga si kanhi Presidente Rodrigo Duterte, nga kasamtangang naa sa International Criminal Court (ICC) detention facility. .(Camille Santos Naraga)(Source: Contributed)