Nadugangan ang serbisyo ug oportunidad alang sa mga residente sa Barangay Miatan, Katipunan human malampusong gitugyan ang nagkadaiyang development projects sa barangay niadtong Mayo 7, 2026.
Lakip sa mga proyekto nga gihatud sa administrasyon ni Mayor Maiko Wong ug sa LGU Katipunan mao ang Subanen Village, covered court, farm access road ug daycare center nga gilauman makatabang sa adlaw-adlaw nga panginahanglan sa komunidad ilabina sa upland areas.
Dugang pa, pinaagi sa suporta ni Cong. Irene Labadlabad, nahimo usab ang hanging foot bridge ug dugang farm access road aron mas mapadali ang transportasyon ug pagdala sa produkto sa mga mag-uuma.
Sumala sa lokal nga kagamhanan, padayon ang ilang paningkamot nga maabot sa mga proyekto ug serbisyo sa gobyerno bisan ang mga layo nga kabarangayan.
Gihimo usab atol sa maong kalihokan ang thanksgiving celebration sa Team Bag-ong Katipunan isip pasalamat sa suporta sa katawhan ug kabahin sa pagtuman sa mga saad atol sa kampanya.
Samtang, mipakita ang mga residente sa ilang suporta ug pagpasalamat sa mga proyekto nga nagdala og kausaban ug dugang kalamboan sa ilang komunidad.(IKEN B. GULLEM)
Source: Katipunan Vlog