Dakpan ang usa ka 24 anyos nga lalaki atol sa gikasa nga buy-bust operation sa mga personahe sa kapulisan mga alas 10:05 ang takna sa buntag niadtong Mayo 3,2026, didto sa Brgy. San Miguel, Polanco, Zamboanga del Norte.
Ang maong dinakpan naila nga usa ka lalaki, 24 anyos, ulitawo, ug residente sa Brgy. Owaon, Dapitan City, Zamboanga del Norte, kinsa gidakop pinaagi sa mga personahe sa Municipal Drug Enforcement Team (MDET) sa Polanco Municipal Police Station (MPS),tungod sa paglapas sa Comprehensive Dangerous Drugs Act of 2002 (RA 9165).
Atol sa operasyon nakumpiska gikan sa suspek ang nagkadaiyang heat-sealed transparent plastic sachet nga adunay sulod sa gituohang shabu nga mokabat sa 1 gramos nga gibanabanang mobalor sa Php 6,800.00, lakip ang mga butang nga dili druga.
Ang dinakpan gipahibalo sa hinungdan sa iyang pagkadakop ug gipahibalo sa Konstitusyon ug Miranda Rights sa usa ka pinulongan nga iyang nasabtan ug anaa na kini karon sa kustodiya sa Polanco MPS alang sa pagpasaka sa tukmang kaso.
Samtang ang mga nakumpiskang droga gidala sa Zamboanga del Norte Provincial Forensic Unit alang sa chemical exmination.(MEDALYN U. BORJA)
Source: ZNPPO