PIÑAN, Zamboanga del Norte — Nagpatuman og ordinansa ang lokal nga kagamhanan sa Piñan nga nagregulate sa operasyon sa 3-wheeled nga mga sakyanan o mas nailhan isip bao-bao sulod sa hurisdiksyon sa lungsod.
Ang ordinansa naglatid sa klaro nga mga lagda sa pag-operate, paghatag og prangkisa, ug pagpatuman sa hustong bayrunan ug silot aron masiguro ang kaluwasan sa mga pasahero ug drayber, ingon man ang kahapsay ug disiplina sa mga dalan.
Pinaagi niini, gitumong sa munisipyo nga masiguro nga ang pampublikong transportasyon sa Piñan legal, organisado, ug responsableng ginabuhat, alang sa kaayohan ug kaluwasan sa tibuok komunidad.(JENIFFER JR. DELICA)
Source: Mayor Rommel Gudmalin