LEON B. POSTIGO, Zamboanga del Norte — Miaksyon dayon sa usa ka vehicular accident ang Shift B nga duty personnel sa Leon B. Postigo Municipal Fire Station, kauban ang Municipal Disaster Risk Reduction and Management Office ug Leon B. Postigo Philippine National Police, niadtong Enero 24, 2026 sa Barangay Mangop, ning lungsora.
Pag-abot sa lugar, giluwas ug gi-secure dayon ang palibot aron malikayan ang dugang disgrasya. Gi-atiman ang biktima ug gihimo ang unang tan-aw sa kahimtangan niini aron masiguro ang kaluwasan sa tanan nga nalambigit.
Human sa unang pag-atiman, gidala dayon ang biktima sa Local Health Unit gamit ang patient transport vehicle sa Municipal Disaster Risk Reduction and Management Office alang sa dugang pag-atiman. Ang paspas ug koordinadong aksyon sa tanang ahensya nagpamatuod sa andam ug lig-on nga emergency response sa lungsod.(JENIFFER JR. DELICA)
Source: BFP R9 Leon B. Postigo Fire Station