Nadawat na ni Dr. William L. Icao ang tseke isip bayad sa property nga tukoron ug palambuon isip bag-ong Bus Terminal sa Barangay Poblacion, Mutia, nga nagtimaan sa laing lakang padulong sa pagpatuman sa maong proyekto.
Pinaagi sa pag-angkon sa property, mas napalapit ang plano sa pagtukod sa terminal nga gitumong sa paghatag og mas organisado ug hapsay nga pasilidad alang sa mga commuter, residente ug mga bisita sa lungsod.
Gilauman nga ang bag-ong bus terminal makatabang sa pagpalambo sa sistema sa transportasyon sa Mutia pinaagi sa paghatag og tukmang lugar alang sa mga bus ug pasahero, ug sa pagpaayo sa kahapsay sa pagbiyahe sulod sa lungsod.
Nagpadayon ang LGU Mutia sa pagpalig-on sa mga proyekto sa imprastraktura nga nagtumong sa pagpauswag sa serbisyo publiko ug pagsuporta sa padayong kalamboan sa komunidad.(JENIFFER JR. DELICA)
Source: Mutia Lgu Mio