Gipahigayon sa Polanco Municipal Police Station, ubos sa pagpangulo ni PLT Amelito Taborada, DCOP, ang Barangay Symposium ug informative lecture atol sa Katipunan ng Kabataan o KK Youth Assembly sa Bandera, Polanco.
Gihatagan og impormasyon ang mga kabatan-onan bahin sa crime prevention, personal safety ug responsableng pagkalungsoranon. Gihisgutan usab ang ilang importante nga papel sa pagmintinar sa kalinaw ug kahapsay sa ilang komunidad.
Pinaagi sa maong kalihukan, gipalig-on ang panag-uban tali sa kapulisan ug kabatan-onan aron mas masabtan sa mga batan-on ang ilang mga responsibilidad ug ang mga paagi diin sila makatampo sa paglikay sa krimen ug pagpalambo sa kaluwasan sa komunidad.
Nagpadayon ang Polanco Municipal Police Station sa information, education ug barangay symposiums isip kabahin sa ilang community engagement efforts aron mapalambo ang aktibong partisipasyon sa kabatan-onan ug mapalig-on ang mas luwas, malinawon ug responsableng komunidad.(JENIFFER JR. DELICA)
Source: PNP Polanco Municipal Police Station