Gipahigayon ang ikatulong batch sa Barangay Caravan sa Barangay Dansullan, kauban ang clustered barangays sa New Sicayab ug Dangi, diin gipaduol sa lokal nga panggamhanan ang nagkalain-laing serbisyo ngadto sa mga residente.
Lakip sa mga serbisyo nga gihatag ang libreng medical ug dental services, X-ray ug laboratory services, tambal ug vitamins, eye check-up, legal assistance, civil registration, social services, agricultural ug veterinary services, ingon man hot meals ug uban pang tabang alang sa mga benepisyaryo.
Gipasalamatan sa lokal nga panggamhanan ang Provincial Government of Zamboanga del Norte ubos sa pagpangulo ni Governor Darel Uy, lakip ang Provincial Health Office, tungod sa ilang suporta sa maong kalihukan. Gipasalamatan usab ang Congressional District Office ubos sa pagpangulo ni Cong. PinPin Uy, ang 97th Infantry Battalion, Integrated Bar of the Philippines Zamboanga del Norte Chapter, Bolls Angeles Eye Clinic & Contact Lens Center, ug uban pang partner offices, agencies ug volunteers.
Pinaagi sa Barangay Caravan, padayon nga gidala ang mga serbisyo direkta ngadto sa mga komunidad aron mas mapaduol ang tabang sa katawhan. Gipunting sa maong inisyatiba ang pagpadayon sa serbisyo barangay ngadto sa barangay isip kabahin sa programa nga “Doble Serbisyo, Duyog Asenso.”(JENIFFER JR. DELICA)
Source: Mayor Ying Uy