Gilimbasogan sa Police Regional Office 9 ang kampanya batok sa illegal nga droga diin sulod sa usa ka adlaw nga operation mukabar sa kapin sa 1.3 million nga illegal nga droga ang nasakmit sa lainlain nga operasyon sa tibuok rehiyon 9.
Sa press release sa PRO 9, adunay 200 gramo sa shabu ang nasakmit sa gikasa nga operasyon sa Zamboanga City inubanan sa mga personahe sa City Drug Enforcement Unit-Zamboanga City Police Office uban ang City Intelligence Unit, City Mobile Patrol Unit, Zamboanga City Police Station 11 ug 2nd Zamboanga City Mobile Force Company.
Ang operation gipahigayon sa Barangay Campu Islam, Zamboanga City sa miaging mga adlaw diin nadakpan si Alyas Rony.
Nasakmit sa posisyon niini ang upat ka dagkong sachet sa gituuhang shabu nga may timbang 200 gramos ug adunay standard value nga 1, 360, 000 million ug mark money isip buybust money.
Sa laing bahin dakpan usab ang usa ka Alyas Alex sa laing gipahigayon nga operasyon sa mga personahe sa Dipolog City Police Station sa Barangay Miputak ning dakbayan sa Dipolog City diin didto nakuha gikan sa iyahang posisyon ang 21 ka sachet sa Shabu.
Ang mga suspetsado ang anaa na karon sa kwerpo sa kapolisan ug gipasakaan na sa tukmang kaso ug ang mga nasakmit nga ebidensya sa illegal nga droga ang giturn-over na nagdto sa PNP-Forensic Unit. (Angelica T. Obina)
(Source: PRO9)