Dungan sa pag saulog sa ika 6th Founding Anniversary sa 97IB,nipahigayon usab kini ug usa ka Medical and Dental Outreach Program,nga giduyugan usab sa 102nd Infantry “Igsoon l” Brigade, niadtong Abril 14,ning kasamtangang tuig.
Alayon niini ang pag-apod sa daghang stakeholders ug paginahanglan ug medikal ug dental nga serbisyo sa mga molupyo sa pinakalayo nga mga barangay sa Munisipyo sa Sergio Osmeña ning lalawigan sa Zamboanga del Norte,diin maabot lang gamit ang 4-wheel drive nga sakyanan human sa 15 ka suba nga tabokanan ug kabungtoran.
Sa maong kalahikon,500 ka mga pasyente gikan sa barangay Bagumbayan ug residente sa Barangay Nazareth ug San Antonio, SOS, Zamboanga del Norte ang nakapahimulos sa nagkalain-laing pamaagi sa panglawas ug medikal sama sa ECG, blood sugar testing, hair treatment, circumcision, dental ug medical check -ups nga naay libreng tambal ug bitamina ug lakip na ang pagpa ear piercing,500 ka galon usab sa tubig, ug 800 ka food packs, dental hygiene packages ug tsinelas ang gihatag sa 97th IB nga libre, lakip ang serbisyong medikal ug dental niini.
Sila si Brigadier General Elmer B Suderio Philippine Army, Commander, 102nd Brigade, LTC Jimmy J Sanz Inf (GSC) PA, Commander, 97th IB, Mr Wilberth Magallanes Provincial Administrator, ZDN, Colonel Amy T Adona (Reserve) owner. sa Tagaloguin-Adona Polymedic and Diagnostic Center Inc., Hon Franco Angelo Buctuan, SP Member, Police Colonel Ranier P Diaz, Police Povincial Director of Zamboanga del Norte, Philippine Army Finance Center Producer Integrated Cooperative (PAFCIPIC), Difflock Dipolog 4×4 Club, Ozamis Classified Confession Organization, Department of Health (DOH) Region 9, Provincial Health Office (PHO), Medical Team sa 1st Infantry (TABAK) Division, Rural Health Unit ni Sergio Osmena Sr. ug Hon Eulogio Engcoy Barangay Chairman sa Bagumbayan kinsa mao ang naningkamot aron sa hingpit nga kalampusan sa maong programa.
Nunot sa maong programa si Lieutenant Colonel Jimmy J Sanz , Commander, sa 97IB ug ai Brigadier General Elmer B Suderio,nipadangat sa ilang tagsa-tagsa ka mensahe ug kinasingkasing nga pasalamat sa kagamhanang probinsiyal sa Zamboanga del Norte, LGUs sa Sergio Osmeña Sr, ug mga ahensya sa gobyerno, non-government organizations, Civic groups, ZN PPO, ug uban pang stakeholders sa ilang dedikasyon,pakig tambayayong ug pasalig sa pagtuman sa ilang mandato sa pag-alagad sa mga suporta ug pagdasig, nga naghatag gibug-aton sa kamahinungdanon sa kalihokan nga usa ka tinuod nga panig-ingnan sa kinatibuk-ang pamaagi sa Nation sa paghatag sa panginahanglan ug kalamboan sa mga huyang nga komunidad.
Gitataw sab niini ang mga doktor,dentista,nars,ug uban pang healthcare professionals,public servants ug agencies ,government organizations ug volunteers kinsa giisip nga bayani nga nigahin sa ilang oras nga libre aron sa paghatag og serbisyo nga makahatag ug ug oportunidad nga makaluwas ug kinabuhi sa mga pasyenteng anaa sa layo nga lugar pinaagi sa pagpaningkamot nga maserbisyohan nila kini.
Sa katapusang bahin sa programa ang komunidad sa Sergio Osmeña Sr.,ning probinsya sa Zamboanga del Norte, nipaabot sa ilang pasalamat sa suporta ug serbisyo sa lain-laing entidad ug instrumentalities sa maong kalihokan. (Madelyn U. Borja)
(Source: 97th Infantry “Kalasaglahi” Batallion)
