Tugpa sa Ospital ang usa ka Lalaking Lango sa Ilimnong Makahubog, nga Nasabod sa Lubot sa Bonggo nga iyang nasundan sa iyang pagbyahe, didto sa Barangay Polo sa Dakbayan sa Dapitan,Hulyo 10, 2025 sa may mokapin kon kulang, ala 7:20 sa gabie.
Matud pa sa pahayag sa mga nakasaksi sa naasoy nga Incidente, nga ang nahisgutang Motorista, mopauli na unta kini sa ilang Pinuy-anan nga atua nahimutang sa Barangay Ma. Oray sa nasangpit nga Dakbayan, diin matud pa, nga nag Drive kini sa iyang Single Motor nga Kolor Itum, nga nagtangag sa Plaka nga 0901-0221196.
Dugang pa nga pahayag sa mga nakabantay sa maong panghitabo, nga Nagbit-bit ang Walang Kamot niini og usa ka Botilya sa Ilimnong Makahubog, ug sa dihang mo Overtake na unta kini sa iyang gisundan nga Bonggo Kolor Green, nga nagtanga sa Plaka nga JAD-3384, diin pareho ang direksiyon niini padulong ngadto sa Rotonda sa Barangay Polo Syudad sa Dapitan, ning Probinsiya sa Zamboanga Del Norte.
Tungod sa iyang pagkasangit sa Lubot nga bahin sa nasangpit nga Bonggo, maayo kining pagka Bagnos sa Karda, nga maoy hinungdan nga nakaangkon ang Biktima og mga Pangus ug Samad sa iyang Nawong, maingon man sa uban pang bahin sa iyang Kalawasan, diin maayong pagkasalsag ang Botilya sa Ilimnong Makahubog, nga iyang Bibit-bit.
Dali usab nga Mi-responde ang mga Personahe sa Emegency Rescuer sa naasoy nga Dakbayan og dali dayong gidala sa Dr. Jose Rizal Memorial Hospital ang Biktima alang sa iyang Medikal nga panginahanglan, samtang ang Driver sa Bonggo nga iyang napunggitan, nga mopauli na unta ngadto sa Dakbayan sa Cagayan De Oro, giimbitahan una sa Traffic Investigator sa Dapitan City Police Station alang na sa ipahigayon nga imbistigasyon.(Julius Esmade)