Malampusong Napahigayon ang Bloodletting Activity sulod mismo sa Conference Room sa Zamboanga Del Norte Provincial Police Office (ZNPPO) nga atua nahimutang sa Camp Lt. Deogracias P Hamac sa Barangay Sicayab ning Dakbayan sa Dipolog, kagahapong adlawa, Hulyo 10, 2025 sugod sa Alas 8:30 hangtod sa Ala 1:00 sa Hapon.
Ang nasangpit nga Aktibidad, nagmalampuson pinaagi sa pagpaningkamot sa mga Personahe sa PCADO, ubos sa pagpanguna ni Pmaj. Abubakar A Ibno, ang OIC sa naasoy nga buhatan, maingon man pinaagi usab sa pakigtimbayayong sa Zamboanga del Norte Provincial Medical and Dental Team, sa pagpanguna ni Pcpt. Jhosefhus Trecho, lakip usab nga nahimong katimbang ang Barangay Sicayab Health Center, nga gipangunahan ni Maria Aiza Earl P. Dagpin, Community Health Nurse, diin ang nahimong katimbayayong sa nahisgutang aktibidad, ang Dr. Jose Rizal Memorial Hospital, sa Dapitan City, sa pagpanguna ni Mylene R. Torres-Sedon.
Gisalmutan ang maong Blood Letting Acitivity sa mga Personahe sa ZNPPO, mga Miyembro usab sa Salaam Police Advocacy Support Group, Tau Gamma Phi Omega, Alpha Phi Omega, ug ang Alpha Kappa Rho Fraternities, diin ang nasangpit nga mga Grupo, kometado sa ilang Adbokasiya nga Boluntarismo ug Serbisyo Publiko. (Julius Esmade)