Kahasul ang nasinatian sa mga Ginikanan, Magtutudlo, ug mga Magtutungaha, tungod sa Baha kaniadtong Hulyo 10, 2025 sa may mokapin kon kulang alas 4:30 ang takna sa hapon.
Naaktuhan sa RPN-DXKD 1053KHZ Randyo Ronda Dipolog ang sitwasyon sa Dalan atubangan sa nasangpit nga Tulunghaan, diin nasawom sa Tubig Baha ang maong Karsada, tungod sa nasinatian nga Ulan. Sa gibuhat nga pagsubay sa nahisgutang Lugar, halos moabot sa Tuhod sa Hamtong na nga Tawo ang Kalalom sa naasoy nga Tubig Baha, maong maglisod sa pagagi ang mga Motorista, maingon man ang mga Estudyante, tungod sa nahisgutang Sistwasyon.
Nasayran nga Nakasinati og Pag-ulan ang Dakbayan sa Dipolog, Probinsiya sa Zamboanga Del Norte, kagahapong adlawa, sugod sa Ala-Una ang Takna sa Hapon, nga maoy nahimong hinungdan nga Nasalop sa Tubig Baha ang pipila ka mga Kadalanan ning maong Dakbayan.
Pahimangno ngadto sa mga Motorista, nga kon sa panahon sa inyong pagbyahe Makasinati og Lalum ngaTubig sa Dalan nga inyong Maagian, mopahinay lamang kamo sa pagpadagan sa inyong mga Sakyanan, aron makalikay sa Posibling Disgrasya, maingon man, aron dili Maperwisyo ang inyong mga kauban nga mga Motorista.(Julius Esmade)