Mitabang dayon ang BFP-Piñan sa usa ka aksidente sa kadalanan nga nahitabo sa Brgy. Poblacion North, Piñan, Zamboanga del Norte niadtong Mayo 24, 2026 ubos sa pagpangulo ni SFO3 Elmar M. Pagente, Acting Municipal Fire Marshal.
Pag-abot sa Shift A EMS personnel sa lugar, ilang gisiguro ang seguridad sa eksena samtang gisunod ang proper BSI precautions atol sa pagresponde sa insidente.
Nakaplagan sa responders nga adunay panimuot ang pasyente ug naghigda sa dalan samtang nasuta nga adunay samad sa likod nga bahin sa ulo ug adunay GCS rating nga 15.
Gihatagan dayon og first aid ang biktima pinaagi sa pagbutang og neck support ug benda aron mapugngan ang pagdugo sa wala pa kini gidala ug giturn-over sa Piñan District Hospital alang sa dugang tambal.(JENIFFER JR. DELICA)
Source: BFP R9 Piñan Fire Station