Malampusong napahigayon sa Kapulisan sa Dapitan City Police Station ang Motor Cycle Patrol and Counter Strike Operation, sulod sa sentrong bahin sa dakbayan sa Dapitan, Hulyo 28, 2025.
Tumong sa nasangpit nga inisyatiba, aron mamentinar o magpabilin ang Kahapsay ug Kalinaw sa tibuok bahin sa Syudad sa Dapitan, nga gilangkuban sa 50 ka Barangay, aron usab makita sa mga katawhan, ang Presensiya sa mga Kapulisan, nga maghatag kanila og Seguridad, maingon man, aron dili mahatagan og kahigayonan ang mga masinupakon sa Balaod, nga mobuhat og kadaot ngadto sa Publiko, diin gitinguha sa mga awtoridad sa nahisgutang Dakbayan, nga mabati sa mga katawhan, nga anaa ang Presensiya sa mga Pulis, nga andam motabang kanila, sa panahon nga anaa sila sa alanganin nga sitwasyon.
Nasayran nga ang maong Motor Cycle Patrol and Counter Strike Operation, konektado sa inisyatiba niini, nga Intensified Anti-criminality Campaign ug ang Police Community Relation (PCR) Month Celebration, ubos sa pagpanguna ni Pltcol. Eva Joy E Capurcos ang Officer-In-Charge sa Dapitan City Police Station.(Julius Esmade)
Source: DAPITAN CPS