Hugtanong gipatuman sa mga personahe sa Dapitan City Police Station ang inisyatibang Awareness Campaign ug Crime Prevention Dialogue, diin kini didto gipahigayon sa Barangay Napo, dakbayan sa Dapitan, Probinsiya sa Zamboanga Del Norte, Hulyo 28, 2025 sa may alas 7:30 sa buntag.
Gipangunahan ang nasangpit nga aktibidad ni Pssg. Isabelo Jalapadan Jr. nga matud pa ang maong Programa, konektado sa selebrasyon sa Police Community Relations (PCR) Month, diin ilang gipahigayon ang hamubo nga dayalogo ngadto sa mga Residente sa nahisgutang Lugar ug gipang-apod-apon usab niini ngadto kanila ang mga basahon nga Information Education Communication (IEC) Materials, diin ang unod sa maong basahon, nakapunting sa mga pamaagi kon unsa ang angay’ng buhaton aron mahilikay sa Krimen o mabiktima sa unsa mang matang sa kriminalidad.
Samtang gipanghatag usab sa mga katawhan sa Barangay Napo, ang Hotline Number sa Dapitan City Police Station, aron kon ugaling adunay unsa mang matang sa mga emerhinsiya, ila dayon kining mapadangat ngadto sa ilang buhatan, aron usab, ila dayon kining ma-respondihan.(Julius Esmade)
Source: Dapitan PNP