Gibuksan sa motorcade ug parade ang pagsaulog sa National Disaster Resilience Month (NDRM) 2026 sa lungsod sa Tampilisan, diin naghiusa ang Local Disaster Risk Reduction and Management Office (LDRRMO), Bureau of Fire Protection (BFP) Tampilisan Municipal Fire Station ug Tampilisan Municipal Police Station.
Gipahigayon ang maong kalihokan isip pagsunod sa Executive Order No. 29, Series of 2017 nga nagdeklara sa bulan sa Hulyo isip National Disaster Resilience Month. Gidala usab niini ang tema karong tuiga nga “Naghahanda at Kumikilos Tungo sa Panatag na Bagong Pilipinas.”
Tumong sa selebrasyon ang pagpalig-on sa kahandam sa komunidad batok sa mga kalamidad pinaagi sa pagpausbaw sa disaster preparedness, prevention, mitigation, response ug recovery pinaagi sa panagtinabangay sa nagkalainlaing ahensya sa gobyerno.
Matud sa mga tigpasiugda, ang maong inisyatiba kabahin sa padayon nga paningkamot sa pagpalambo sa kultura sa kahandam aron mamugna ang usa ka mas luwas, mas lig-on ug mas disaster-resilient nga lungsod sa Tampilisan.(JENIFFER JR. DELICA)
Source: LDRRMO Tampilisan