Nagpahigayon og coordination meeting ang Lokal nga Panggamhanan sa Rizal ug ang Department of Public Works and Highways (DPWH) 1st District Engineering Office aron hisgutan ang evaluasyon ug mga teknikal nga aspeto sa usa ka gi propose nga infrastructure project sa lungsod.
Gipangulohan ang maong panagtigom ni Rizal Mayor Marissa D. Manigsaca uban ni Municipal Engineer Engr. Jenifer Sagaray, diin nakigpulong sila kang Ms. Eva Trani ug Mr. Caboverde sa DPWH aron masuta ang feasibility, technical requirements ug mga konsiderasyon sa implementasyon sa proyekto.
Sumala sa LGU Rizal, tumong sa maong koordinasyon ang pagsiguro nga ang ipatuman nga proyekto makatubag sa panginahanglan sa komunidad ug makatampo sa padayon nga kalamboan sa lungsod.
Gipadayag usab sa lokal nga panggamhanan ang ilang padayon nga pagpalig-on sa panagtambayayong uban sa mga nasudnong ahensya aron mapatuman ang mga dekalidad nga infrastructure projects nga makapauswag sa kalidad sa kinabuhi sa mga Rizalian.(JENIFFER JR. DELICA)
Source: Municipality of Rizal