Nakigbahin ang Labason Fire Station sa coastal clean-up drive nga gipangulohan sa Lokal nga Panggamhanan sa Labason niadtong alas-6:00 sa buntag aron mapalig-on ang kampanya sa pagpanalipod sa kalikupan ug pagpreserbar sa mga baybayon.
Gipahigayon ang maong kalihokan ubos sa Executive Order No. 32, Series of 2026, isip pagsunod sa direktiba sa Regional Disaster Risk Reduction and Management Council (RDRRMC) IX nga nagpasiugda sa hustong pagdumala sa basura ug pag-atiman sa mga coastal areas.
Naghiusa sa maong clean-up drive ang mga personnel sa Labason Fire Station ug ang Lokal nga Panggamhanan sa Labason ubos sa pagpangulo ni Mayor Jelster Ed T. Quimbo, uban ang ilang paningkamot sa paghawan sa mga basura sa kabaybayonan.
Matud sa Labason Fire Station, ang padayon nga pagpatuman sa mga environmental activities sama sa coastal clean-up kabahin sa ilang suporta sa paghimo og mas limpyo, mas luwas ug mas mahigalaon sa kinaiyahan nga komunidad.(JENIFFER JR. DELICA)
Source: BFP R9 Labason Fire Station